? خذني ?
خذني ... تعبت من الوله ... و البرد هدَّاني ،،
لمني أبدفا من صقيع الليل باحضانك ،،
جيتك عطش مُنهك ذبل من نُضرة أغصاني ،،
جيتك إثم (وردة غلا) تستغفر أغصانك ،،
.*.*.*.*.*.
? الله يهداك ?
وش بيعني لي رضاهم دامك إنته إللي زعلت ؟
إللي يعنيني - و لو هو يب يزعلهم – رضاك
حزت ابنفسي .. تمر .. و ما تكلفت و سألت
و اثرك امزعل شعورك مني بس الله ايهداك
.*.*.*.*.*.
? ليه؟؟ ?
ليه يوم احتجت لك خيبت ظني ؟
ليه صاير قاسي و ضيِّق طباع ؟!
كل ما آعاتب خفوقك صد عني
كن ما صدق لقى فرصه و .. باع ..!
.*.*.*.*.*.
? عهد ?
عهدٍ على ذكرى الألم .. و المهانه..
لاخذ بثار ادموعنا ... " يا خفوقي "
جرح ٍ بجرحْ .. و كل خيانه بخيانه ....!
حقي .. و جرحي لهْ من ابسط حقوقي !
.*.*.*.*.*.
? بوووح ?
ياخذك .. يا دمعةٍ طاحت على خد المواجه
ما عرفتي تصبرين الين ما عينه تروح ؟
و الله اني ما قصدت بدمعتي يا قلب حاجه
بس فاجأني بغلاهْ .. و صممت عيني تبوح !!
.*.*.*.*.*.
? مسائك حب ?
مساء الحب .. ياحبي .. مسائك ،،
مساء الشوق .. لك .. في كل ليله ،،
عطى عطر المحبه .. من عطائك ،،
تنفّسْك .. وكأنك .. تنتمي له ،،
ولو بسمتك .. تعكس من سمائك ،،
حبيبي تصبح القمرا هزيلة ،،
*.*.*.*.*.
? غلاك ?
غلاك صفّيته على موضع الرمش ،،
متثبتٍ مابين رمشه ورمشه ،،
يعني على ماجازلك في الهوا امش ،،
العب على مزن السحايب .. ورشه ،،
عش .. في عيوني .. طالبك يالغلا عش ،،
ياعل تفدا مبسمك ألف خشه
*.*.*.*
? روووووووح ?
لا تستفز القلب .. وتثير الأعصاب ،،
أنا انصحك تشتر سلامتك وتروح ،،
مابيك تفتح للمواضيع .. أبواب ،،
خذيت عبرتها على درس مشروح ،،
قلبي رجعلي منك .. مهزوم منصاب ،،
يبكي ويصرخ .. من حبايبه .. مجروووح ،،
فالحين لا تاخذ وتعطي بالاسباب ،،
رح قبل ماكسّر على راسك اللوح ،،
*.*.*.*.
? الأماكن ?
في غيابك .. ضاقت بعيني الأماكن ..!
كن دنياي .. انطفت من نفخ زفرة ،،
واستوى جو المدن .. مظلم وساكن ،،
واشهقت وسط العيون .. الفين عَبرة ..!
ان شاء الله تعجبكم
تحياتي
الأربعاء أغسطس 29, 2007 5:19 am
